Россия АҚШ томонидан илгари сурилаётган Ядровий синовларни ҳар томонлама бартараф этиш тўғрисидаги шартномани бузганликдаги айбловни мутлақ инкор этади. Бу ҳақда Россиянинг Вашингтондаги элчиси Анатолий Антонов маълум қилди, деб хабар беради «Вести.ru».
Дипломат америкаликларнинг ушбу айбловини қуролланиш назоратига ҳужум деб атади. Шунингдек, унинг таъкидлашича, бу каби эътирозлар расмий консултацияларда эмас, матбуот орқали эълон қилинмоқда.
29 май куни АҚШ ҳарбий разведка бошлиғи Роберт Эшли «Россия ядровий синовлар тўғрисидаги мораторийга амал қилмаяпти» деган эди.
Мазкур айблов Вашингтоннинг ўзидаям танқид қилинган. Хусусан, Америка қуролланиш назорати ассоциацияси Роберт Эшлининг айбловини асоссиз деб атаган.
Изоҳ (0)