29 майнинг эътиборга молик янгиликлари — «Дарё» дайжестида.
Ҳабиб Нурмагомедов Ўзбекистонда самарқандча палов тайёрлади.
UFC чемпиони Ҳабиб Нурмагомедов Ўзбекистонга келиб, Самарқанд паловини тайёрлашда иштирок этди.
***
«Оскар»га ўзбек фильмларини тақдим қилиш имконияти пайдо бўлди – Ўзбекистон «Оскар» қўмитаси ташкил қилинди.
Шу йилнинг 1 октябрь куни Ўзбекистон «Оскар» қўмитаси томонидан 2020 йилнинг 9 февраль куни Лос-Анжелес шаҳрининг машҳур Dolby театрида бўлиб ўтадиган 92-«Оскар» тақдирлаш маросимининг «Энг яхши халқаро бадиий фильм» номинациясига Ўзбекистон номидан фильм илгари сурилади.
***
Coca-Cola Намангандаги корхона устидан шикоят қилди.
Компания Наманган вилоятида жойлашган «Норин Боттлерс» МЧЖ томонидан ишлаб чиқарилаётган Frutto Cola алкоголсиз ичимлигининг этикеткасидаги баъзи белгилар Coca-Cola алкоголсиз ичимлигининг белгилари билан ўхшаш эканлигини маълум қилиб, қўмитадан ушбу ҳолатни ноҳалол рақобат ҳолати сифатида кўриб чиқишни сўраган.
***
111 мамлакат фуқароларига Ўзбекистонда яшаш гувоҳномасини олиш ҳуқуқи берилди.
Президентнинг айрим ҳужжатларига киритилган қўшимчаларга мувофиқ, 111 та мамлакат фуқароларига Ўзбекистонда яшаш гувоҳномасини олиш ҳуқуқи берилди.
Улар бунинг учун белгиланган суммада кўчмас мулкни сотиб олиши лозим.
***
Фаттоҳ Шодиев Xovos City’да 50 та уй қурилишига ҳомийлик қилмоқда.
Сирдарёда қурилаётган Xovos City’даги 50 та икки ва уч хонали, икки сотихли ҳовлига эга уйлар қурилиши «Шодиев Халқаро фондининг Ўзбекистондаги ваколатхонаси» томонидан ҳомийлик асосида молиялаштирилмоқда.
Изоҳ (0)