Т-Series ҳинд YouTube-канали тарихда илк бор 100 миллион обуначига эга бўлди. Канал янгилангандан сўнг фойдаланувчиларнинг аниқ сони расмий профилда берилган.
Бундай натижа дунёдаги энг машҳур видеоблогер Феликс Чельберг (PewDiePie) билан бўлган курашда ғалаба келтирди. Унинг обуначилари 96,1 миллион киши. Ушбу мусобақа динамикасини онлайн режимда кузатиш мумкин.
Т-Series канали 2 ой ичида 10 миллиондан ортиқ янги мухлис йиғди: 21 март куни аккаунтга 90 миллион 493 минг киши аъзо эди. Ушбу профил Ҳиндистоннинг гигант мусиқа компаниясига тегишли. Унда доим янги клиплар бериб борилади.
2018 йил августда PewDiePie видео ёзиб, унда Т-Series’га қарши кураш эълон қилган эди. Унинг ҳисоб-китобларига кўра, рақиб уни 2018 йил ноябрда обуна сони билан ютиши мумкин эди. У фойдаланувчилардан унга ёрдам беришларини ва қўллаб-қувватлашларини сўраган.
Блогернинг мухлислари бир неча марта бутун дунё бўйлаб «ақлли» принтерларни бузиб кирган ва ўзининг севимли блогерига овоз беришга ундовчи ёрлиқларни босиб чиқарган. Тахминан олти ой олдин хакерлар Wall Street Journal веб-сайтига PewDiePie’ни қўллаб-қувватлаб ёзилган манифестни жойлаган.
Изоҳ (0)