АҚШ преизиденти Дональд Трамп Япония императори Нарухитога альт — скрипкага ўхшаш паст овозли қилли ёки пуфлаб чалинадиган музика асбобини совға қилди. Бу ҳақда «РБК» хабар берди.
Мусиқа асбоби 1983 йилда Чарльстон шаҳрида (Ғарбий Виржиния) қўлда ясалган. Шу билан бир қаторда, АҚШ президенти императорга 20-асрдаги америкалик бастакор Аарон Коплэнд суратини ҳам тақдим этган. Қайд этилишича, император алт чалишни яхши кўради.
Бунга жавобан Нарухито Трампга мовий чинни ваза, унинг рафиқасига эса олтин билан безатилган қутича берган.
Нарухито ва Трамп учрашуви императорнинг Токиодаги саройида 27 май куни бошланди. АҚШ президенти у ерга рафиқаси Мелания Трамп билан бирга келган. У Нарухито тахтга ўтирганидан сўнг ташриф буюрган биринчи чет эллик раҳбар бўлди.
Нарухито Япониянинг 126-императори бўлди ва мамлакатда Рэйва — янги давр бошланди. Унинг отаси, собиқ император Акихито 30 апрель кун тахтдан воз кечди. У тахтни 30 йил давомида эгаллаб келган эди.
Изоҳ (0)