Россиянинг Приморск ўлкаси Фокино шаҳрида яшовчи 25 ёшли эркак уйи балконидан осилган ҳолда пастки қаватдаги ёнаётган хонадон балконидан икки қизчани қутқарди. Бу ҳақда Россия ФВВ ҳудудий бошқармаси матбуот хизмати хабар берди.
Видеода эркакнинг ўта қалтис вазиятда икки қизчанинг қўлидан тортиб уларни тепага чиқариб олганини кўриш мумкин.
Шунингдек, уйда яшовчи бошқа кишилар ҳар эҳтимолга қарши пастда қутқарув гиламини тутиб тургани ҳам видеога тушган.
Қайд этилишича, ўша пайтда уйнинг олтинчи қаватидаги икки хонадон ёниб кетган. Маҳаллий аҳоли вакиллари тезда уйларни тарк этиб, кўчага чиққан. Жабрланувчиларга тиббий хизмат талаб этилмаган.
Изоҳ (0)