Япониянинг Кавасаки шаҳрида номаълум шахс пичоқ билан ҳужум қилиши оқибатида қурбон бўлганлар сони икки кишига етди. «РБК»нинг хабар беришича, полиция умумий ҳисобда 18 киши яраланганини тасдиқлаган.
Яраланиш оқибатида ҳалок бўлганлардан бири мактаб ўқувчиси, иккинчиси эса ўқувчилардан бирининг отаси деб тахмин қилинаётган 30 ёшлар атрофидаги эркак. Ҳужум қилган шахснинг ўзи ҳам бўйнига пичоқ уриши оқибатида ҳалок бўлган.
Эслатиб ўтамиз, воқеа 28 май куни соат тахминан 07:45 да ўқувчилар Норобито станцияси ёнида мактаб автобусини кутаётган вақтда содир бўлган.
Ҳодиса жойида иккита пичоқ топилган. Воқеа тафсилотлари ўрганилмоқда.
Изоҳ (0)