Сербия президенти Александр Вучич Косово шимолида 13 нафар сербнинг ҳибсга олинганидан сўнг мамлакат қуролли кучларини жанговор тайёргарлик ҳолатига келтиришни буюрди, деб хабар берди «Коммерсант.ru».
Қайд этилишича, ҳибсга олинганлар орасида полициячилар ҳам бор.
Шунингдек, отишма оқибатида икки киши жароҳатлангани ҳам айтилмоқда. Улардан бири полициячи.
Сербиянинг Косовска-Митровица шаҳрининг шимолий қисмида маҳаллий аҳоли вакиллари Косоводан келаётган машиналарга халақит бериш учун баррикада қурмоқда.
Полициянинг маълум қилишича, тан олинмаган республика (РОСУ) махсус хизмати ва номаълум кишилар гуруҳи ўртасидаги отишма бир неча соат давом этган. Етти нафар полициячи ҳибсга олинган. Косово президенти Ҳашим Тачи мамлакат хавфсизлик тузилмаси аъзолари билан учрашган.
Орадан бироз вақт ўтгач Сербия президенти Александр Вучич миллий хавфсизлик кенгашини чақирди ҳамда ушбу йиғин давомида Евроиттифоқни агар РОСУ мамлакат шимолидан қўшинини олиб чиқиб кетмаса, Белград уларга қарши жавоб қайтариши ҳақида огоҳлантирган.
Вучич таҳдид бўлган тақдирда мамлакат армияси Косовода яшаётган Сербия фуқароларини ҳимоя қилишини маълум қилди.
Изоҳ (0)