Англия Кубоги мусобақасининг ҳал қилувчи баҳсида «Манчестер Сити» жамоаси «Уотфорд» билан баҳс олиб борди.
Учрашувда ҳисобни Давид Силва 26-дақиқада очган бўлса, 38-дақиқага келиб, Габи Жезуснинг узатмасини Раҳим Стерлинг бўш қолган дарвозага киритиб, ҳисобни йириклаштирди. Иккинчи бўлимнинг 61-дақиқасида Кевин де Брюйне ҳам ўз ҳисобига гол ёздириб қўйди. Сўнгра Габи Жезус (68-дақиқа) ва Раҳим Стерлинг (81 ва 87-дақиқаларда) гол киритиб, «Сити»нинг 6:0 ҳисобидаги ғалабасини таъминлади.
Натижада «шаҳарликлар» мавсумдаги учични совринига эга чиқди. Клуб аввалроқ Англия Лига Кубоги ва Англия Премьер лигасида ҳам ғолиб бўлганди.
Англия Кубоги
Финал
18 май, шанба
«Манчестер Сити»—«Уотфорд» 6:0
Голлар: 1:0 – 26 Силва, 2:0 – 38 Стерлинг, 3:0 – 61 де Брюйне, 4:0 – 68 Габриэль Жезус, 5:0 – 81 Стерлинг, 6:0 – 87 Стерлинг.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)