18 май, шанба оқшомида профессионал бокснинг иккинчи ярим енгил (-55,34 кг) вазн тоифаси вакили, Рио—2016 Олимпиадаси чемпиони ўзбекистонлик Шаҳобиддин Зоиров (1 та ғалаба, 1 та нокаут) ўзининг иккинчи жангини ўтказди.
Даниянинг Орҳус шаҳрида жойлашган «Виби« спорт саройида ташкил қилинган бокс оқшомида Шаҳобиддин Зоировга грузиялик Мишико Шубитидзе (12 та ғалаба, 13 та мағлубият, 3 та дуранг, 5 та нокаут) рақиблик қилди. 6 раундга мўлжалланган жанг биринчи раунддаёқ якунига етди. Шаҳобиддин рақибини нокаутга учратиб, профессионал боксдаги иккинчи ғалабасини қўлга киритди.
Эслатиб ўтамиз, Шаҳобиддин Зоиров профессионал боксдаги дебют жангида индонезиялик Энтони Ҳолтни ҳам биринчи раунддаёқ нокаутга учратганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)