Хитойда iPhone савдоси кескин тушиб кетди, айни дамда бор-йўғи 17% хитойликлар iPhone сотиб олиш ҳақида ўйламоқда, деб ёзади Sputnik.
UBS компанияси томонидан ўтказилган сўровда маълум бўлишича, Хитойда iPhone’га бўлга қизиқиш кескин тушиб кетган. Яқин икки ой ичида iPhone сотиб оласизми дейилган саволга ўтган йилнинг октябрь ойида 22% аҳоли «Ҳа» деб жавоб берган эди. Ҳозир бўлса бундайлар сони 5 фоизга камайган.
UBS компанияси директори Тимоти Аркурининг фикрига кўра, бунга АҚШда Huawei компаниясига қарши киритилган санкциялар сабаб бўлган бўлиши мумкин. iPhone сотиб олиш истаги миллий ғурур туфайли йўқолган бўлиши мумкин. Эксперт фикрига кўра, бундай ҳолат камида 12 ой давом этади.
Ушбу хабар таъсирида Apple акциялари нархи бироз пастлаб, 235 доллардан 225 долларга тушган.
Изоҳ (0)