Илон Маск раҳбарлиги остида фаолият кўрсатаётган SpaceX компанияси Америка ҳукуматига нисбатан яна бир бор даъво аризасини илгари сурди. Бу сафар компания судга қилинган мурожаат оммага ошкор қилинмаслигини сўрамоқда, деб хабар беради «ТАСС».
The Washington Post газетасининг ёзишича, Маск яна бир бор федерал ҳукуматни судга берган, бироқ бу сафар даъво аризаси сир сақланиши лозимлигини талаб қилмоқда. SpaceX томонидан илгари сурилган даъво аризасида шундай дейилади: «даъвода оммага ошкор қилиниши мумкин бўлмаган хизмат маълумотлари мавжудлиги сабаб унинг махфий қолиши таъминланиши лозим».
Аввалроқ Маскнинг компанияси Пентагон билан шартнома тузиш учун ариза топширган, бироқ унинг таклифи Америка ҳарбий идорасини қаноатлантирмаган эди. 2020 йилда Пентагон мудофаа соҳасида, хусусан, ракета ишлаб чиқариш бўйича иккита фирма билан ҳамкорликни ўрнатиши кутилмоқда.
SpaceX бунга қадар Пентагон манфаатлари йўлида космосга сунъий йўлдошларни учирган эди.
Изоҳ (0)