Иқтисодий ҳамкорлик ва тараққиёт ташкилотига аъзо мамлакатлар, шунингдек, Аргентина, Бразилия, Коста-Рика, Колумбия, Перу ва Руминия сунъий интеллект билан ишлаш борасидаги асосий принципларни келишиб олди, деб хабар беради «Корреспондент».
Ташкилотнинг Парижда ўтказилган йиғилишида айтилишича, сунъий интеллект соҳасидаги янгиликлар шаффоф амалга оширилиши, уларга ўрнатиладиган тизимлар тегишли маркировкага эга бўлиши лозим.
Бундан ташқари сунъий интеллектда фойдаланиладиган тизимлар «ишончли ва барқарор ишлаши, потенциал хавфлар учун доимо синовдан ўтиб туриши керак».
Бу каби тизимлар билан ишловчи ташкилотлар ва инсонлар мазкур принципларга амал қилинишига жавобгар.
Иқтисодий ҳамкорлик ва тараққиёт ташкилотининг таклифи юридик мажбурият ҳисобланмайди.
«Сунъий интеллект бизнинг ҳаётимиз ва меҳнат фаолиятимизни тубдан ўзгартириб юборади. У иқтисод ва жамиятга оид кўплаб имкониятларни тақдим этади. Шу билан бирга этика борасидаги масалаларни ҳам кўтаради», — дейди ташкилот раҳбари Анхел Гурриа.
Изоҳ (0)