«Ювентус» ҳужумчиси Криштиану Роналду А Сериянинг сўнгги тур ўйинини ўтказиб юборади. Бу ҳақда клубнинг Twitter’даги расмий саҳифасида хабар берилди.
34 ёшли португалиялик «Сампдория»га қарши кечадиган 38-тур учрашувида майдонга тушмайди, у дам оладиган бўлди.
Ёзда жамоани тарк этадиган клуб устози Массимилиано Аллегрининг сўзларига кўра, ўйинчи келаси ой Португалия терма жамоаси сафида Миллатлар Лигаси ўйинларида иштирок этади. Шу сабабли Роналду сўнгги турни ўтазиб юборади.
Роналду жорий мавсум Италия чемпионатида 31 та беллашувда 21 та гол урди.
Бу унинг 2008/09 йилги мавсумдан буён чемпионлардаги энг ёмон натижаси бўлди. Ўшанда Криштиану «Манчестер Юнайтед» сафида Премьер лига доирасида 33 та учрашув ўтказиб, 18 та гол урганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)