25 май, шанба куни футбол бўйича Ўзбекистон Суперлигасининг 10-тури доирасида дастлабки 2 та ўйин бўлиб ўтди.
Термизда «Сурхон» клуби Қўқоннинг «Қўқон-1912» жамоасини қабул қилди.
Учрашувнинг 10-дақиқасида мезбон жамоа аъзоси Абдулазиз Юсупов ҳисобни очган бўлса, 23-дақиқага келиб қўқонликлар ярим ҳимоячиси Суҳроб Бердиев ҳисобни тенглаштирди (1:1). Ўйиннинг асосий вақти тугашига 3 дақиқа қолганда ҳимоячи Дарко Станоевич пенальтидан гол уриб, «Сурхон»нинг ғалабасини таъминлади (2:1).
Мазкур ғалабадан сўнг термизликлар очколари сонини 18 тага етказиб олди ва мусобақа жадвалида 3-ўринни эгаллаб турибди. «Қўқон-1912» эса 6 очко билан сўнгги ўринда бормоқда.
Самарқанднинг «Динамо» куби Навоийнинг «Қизилқум» жамоасига қарши майдонга тушди.
Беллашувнинг 7-дақиқасидаёқ навоийликлар ярим ҳимоячиси Алишер Санаев ҳисобни очди (1:0). Орадан 6 дақиқа ўтиб эса Самарқанд клуби ҳужумчиси Қадамбой Нурматов ҳисобни тенглаштирди (1:1). 52-дақиқада Алишер Санаев дублга эришди (2:1). 74-дақиқага келиб «Динамо» аъзоси Амиржон Сафаров жамоасини мағлубиятдан қутқариб қолди (2:2).
Шу тариқа жамоалар дуранг ўйнади ва бир очкодан бўлишиб олди.
Мазкур ўйиндан сўнг «Динамо» 14 очко жамғарган ҳолда мусобақа жадвалида 6-ўринга кўтарилиб олди. «Қизилқум» эса 10 очко билан 10-ўринни эгаллаб турибди.
Суперлига
10-тур баҳслари
25 май, шанба
«Сурхон»—«Қўқон-1912» 2:1
Голлар: 1:0 — 10 Абдулазиз Юсупов, 1:1 — 23 Суҳроб Бердиев, 2:1 — 87, пенальти, Дарко Станоевич«Динамо»—«Қизилқум» 2:2
Голлар: 0:1 — 7 Алишер Санаев, 1:1 — 13 Қадамбой Нурматов, 1:2 — 52 Алишер Санаев, 2:2 — 74 Амиржон СафаровЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)