Россия президенти Владимир Путиннинг қизи деб тахмин қилинувчи Катерина Тихонова физика-математика фанлари соҳасида номзодлик диссертациясини ёқлади, деб хабар бермоқда Meduza.
«Иннопрактика» жамғармаси раҳбарининг номзодлик иши «Вестибуляр механорецепторлар фаоллигини тузатиш бўйича математик вазифалар» мавзусига бағишланди.
Тихоновага номзодлик даражасини беришни ёқлаб диссертация кенгаши аъзоларининг барча 15 нафар аъзоси овоз берди. Унинг илмий раҳбари Москва давлат университети ректори Виктор Садовничий бўлди.
Катерина Тихонова — Bloomberg ва Reuters маълумотларига кўра, Владимир Путиннинг қизи. АҚШ молия вазирлиги ҳам янги санкциялар ҳақида эълон қилаётиб Тихоновани Россия етакчисининг қизи деб атади. Аммо Путиннинг ўзи оиласи аъзолари ҳақида ҳеч қачон омма олдида ошкора гапирмаган.
Изоҳ (0)