Шанхай суди шизофрения (руҳий касалликнинг бир тури) билан оғриган 30 ёшли эркакни ўлим жазосига ҳукм қилди. «Газета.ru»нинг хабар беришича, у 2018 йилда икки нафар мактаб ўқувчисини пичоқлаб ўлдирган.
Қайд этилишича, эркак узоқ вақт давомида иш топа олмаган ва ижтимоий тенгсизлик учун «жамиятдан ўч олиш мақсадида» уч нафар мактаб ўқувчиси ва бир аёлга ташланган.
Шифокорларнинг саъй-ҳаракатларига қарамай, ўқувчиларнинг ҳаётини сақлаб қолишнинг имкони бўлмаган.
Суд-тиббиёт экспертизаси эркакнинг шизофрениядан азият чекишини аниқлаган, бироқ жиноятнинг оғирлиги сабабли суд уни ўлим жазосига ҳукм қилган. Шунингдек, у умрбод барча сиёсий ҳуқуқлардан маҳрум этилган.
Изоҳ (0)