АҚШ Қуролли Кучлари 23 май куни Тайвань бўғозига икки кемани юборди. Бу ҳақда АҚШ Ҳарбий-денгиз кучларининг Еттинчи флоти вакили Клэя Досса баёнотига таяниб, Reuters хабар берди.
«Кемаларнинг Тайвань бўғозидан ўтиши АҚШнинг эркин ва очиқ Ҳинд ва Тинч океани минтақасига хайрихоҳ эканлигини намоён этади», — дейилади баёнотда. Бўғоз орқали Preble эскадра мина ташувчи кемаси ва Walter S. Diehl танкери ўтган.
АҚШ Ҳарбий-денгиз кучларининг кемаси 2019 йилнинг бошидан бери бу каби операцияларни бир неча марта амалга оширган. Хусусан, 29 апрель куни William P. Lawrence ва Stethem эскадра мина ташувчи кемалари Тайвань бўғози акваторияларини кечиб ўтган.
«ТАСС»нинг қайд этишича, бу сафарги эскадра мина ташувчи кемаларининг кечиб ўтиши АҚШ ва Хитой ўртасидаги муносабатлар кескинлашувига сабаб бўлиши мумкин. Бошқа жиҳатдан, ушбу транзит Тайвань томонидан Тайбей ва Пекин ўртасидаги зиддиятлар шароитида Трамп администрациясининг ёрдам белгиси сифатида қаралиши ҳам мумкин.
Хитой ҳукумати Тайванни ўз ҳудудининг ажралмас қисми деб ҳисоблайди ва минтақада ҳар қандай америкалик ҳарбийларнинг бўлишига ҳушёрлик билан қарайди.
Изоҳ (0)