АҚШ Савдо вазирлиги Венесуэлани Америка товарлари, хусусан, икки томонлама вазифага эга бўлган товарларни импорт қилувчи ва миллий хавфсизликка таҳдид солувчи мамлакатлар гуруҳига киритди. «Коммерсантъ»нинг хабар беришича, тегишли ҳужжат Саноат ва хавфсизлик бюроси томонидан эълон қилинган.
«Бюро Венесуэлани миллий хавсизлик стратегияси доирасида бир қатор товарларни экспорт қилиш рухсат берилган Б гуруҳдаги мамлакатлар қаторидан чиқариб ташлаш мақсадида экспорт назорати қоидаларига ўзгартиришлар киритади. Венесуэла хавсизликка муайян таҳдид солувчи Д гуруҳи мамлакатлари қаторига кўчирилади», — дейилади АҚШ федерал ҳукуматининг расмий журналида чоп этилган изоҳда.
Аввалроқ АҚШ Транспорт вазирлиги Америка ва Венесуэла ўртасидаги барча йўловчи ва юк ташувчи рейсларни вақтинча тўхтатишни буюрган эди. Вазирлик ўз қарорини Миллий хавсизлик вазирлигидан Венесуэладаги тартибсизликлар ва зўравонликлар кучайгани ҳақида маълумот берилгани билан изоҳлаган.
АҚШ 2018 йилнинг якунида Венесуэла, Куба ва Никарагуага қарши санкциялар жорий этган эди. Вашингтон бу давлатларни «тиранлар учлиги» деб номлаган ва уларнинг аксилдемократик тузумига қарши курашишга ваъда берган.
Изоҳ (0)