Ўзбекистон мусулмонлари идораси котибияти ва Ахборот-таҳлил бўлими ташаббуси билан «Ёғду» нашриётида «Мен ҳам намоз ўқийман» номли китоб Брайл ёзувида нашр этилди. Бу ҳақда Ўзбекистон мусулмонлари идораси матбуот хизмати хабар берди.
Фото: Ўзбекистон мусулмонлари идораси матбуот хизмати«Кўзи ожиз, лекин қалб кўзи очиқ мўмин-мусулмонларимиз учун ‘Мен ҳам намоз ўқийман’ китоби муборак Рамазон ойининг энг катта туҳфаси бўлди», — дейилади хабарда.
Ушбу китобда Ислом динининг беш устунидан бири – намоз ўқишнинг тартиб-қоидалари Ҳанафий мазҳаби бўйича содда, тушунарли баён қилинган.
Шунингдек, китобда имон ва ислом шартлари, таҳорат, ғусл таяммум тартиблари, энг фазилатли дуолар ҳақида ҳам қисқа ва муҳим маълумотлар келтирилган.
«Мен ҳам намоз ўқийман» китоби нафақат Ўзбекистонда, балки Марказий Осиёда кўзи ожизлар учун ягона нашр бўлди.
Изоҳ (0)