Ўзбекистон Президентининг 2019 йил 20 майдаги 4324-сонли қарори билан Зоҳиджон Зиёев Давлат статистика қўмитаси раисининг ахборот-коммуникация технологиялари ва ахборот-хавфсизлиги бўйича ўринбосари лавозимига тайинланди. Бу ҳақда қўмита матбуот хизмати хабар берди.
Зоҳиджон Зиёев 2007 йилда Тошкент ахборот технологиялари университети бакалавр босқичини, 2010 йилда Санкт-Петербург давлат телекоммуникациялар университети магистратура босқичини, шунингдек, 2018 йилда Ўзбекистон Президенти ҳузуридаги Давлат бошқаруви академиясини тамомлаган.
Зоҳиджон Зиёев 2010—2012 йиллар мобайнида «Ўзбектелеком» акциядорлик компаниясида, 2012—2015 йилларда Ўзбекистон Алоқа, ахборотлаштириш ва телекоммуникация технологиялари давлат қўмитасида бўлим бошлиғи, 2015—2017 йилларда Ўзбекистон Республикаси Ахборот технологиялари ва коммуникацияларини ривожлантириш вазирлигида бошқарма бошлиғи, 2017—2019 йиллар оралиғида Вазирлар Маҳкамасида турли лавозимларда фаолият юритган.
Оилали, икки нафар фарзанди бор.
Изоҳ (0)