Ташқи ишлар вазири Абдулазиз Комилов Бишкекда Хитой Давлат кенгаши аъзоси, ташқи ишлар вазири Ван I билан учрашди. Бу ҳақда ТИВ матбуот хизмати маълум қилди.
Ташқи сиёсат идоралари раҳбарлари 2019 йил 25 апрель куни Пекин шаҳрида бўлиб ўтган «Бир макон — бир йўл» иккинчи халқаро форуми ишида иштирок этиш доирасида Президент Шавкат Мирзиёев ва раис Си Сзинпиннинг икки томонлама учрашуви чоғида эришилган келишувларни амалга ошириш масалаларига асосий эътибор қаратди.
Вазирлар Бишкекда бўлиб ўтадиган ШҲТ саммитига тайёргарлик масалаларини муҳокама қилди ва унинг муваффақиятли якунланишидан манфаатдор эканликларини таъкидлади.
Учрашувда долзарб халқаро ва минтақавий масалалар юзасидан ҳам фикр алмашилди.
Изоҳ (0)