Давлат хизматлари марказлари тизимида янги — архивариус лавозимини жорий этиш ҳисобига ФҲДЁ органлари архив ҳужжатларини тақдим этиш жараёнида уларни қўлда излашдан воз кечиш режалаштирилган. Бу ҳақда Давлат хизматлари агентлиги Telegram-каналида хабар берилди.
Бундан ташқари, 2022 йил 1 январга қадар автоматлашган «ФҲДЁ ягона электрон архиви» тизимини шакллантириш режалаштирилган.
Бунинг учун махсус ускуналар ёрдамида ФҲДЁ архиви ҳужжатларини рақамлаштириш бошлаб юборилган.
Бу эса яқин келажакда керакли ҳужжатларни 5-10 дақиқада олиш имконини беради. Бугунги кунгача жами 16 786 187 ФҲДЁ архиви ҳужжатлари рақамлаштирилиб, электрон тизимга киритилди.
Изоҳ (0)