Владимир Зеленский илк бор даромадлари тўғрисидаги декларацияни эълон қилди

Украина президенти Владимир Зеленский илк бор даромадлари тўғрисидаги декларацияни эълон қилди. Бу ҳақда Meduza хабар бермоқда.

2018 йил давомида Зеленский 9,7 миллион гривен (370 минг доллар атрофида) ишлаб топган. У Киев вилоятида уй ва ер участкаси, Киев шаҳрида квартираси (яна иккитасида улуши бор) борлигини кўрсатган.

Шунингдек, декларацияда Италиядаги вилла ва Лондонда ижарага олинган икки квартира қайд этилган.

Зеленский бир неча компанияда улуши ва банк ҳисоб рақамлари, шунингдек, нақд пуллари — 100 минг евро ва 190 минг долларга эгалигини ҳам кўрсатиб ўтган.

Украина президентининг рафиқаси ўз декларацияда, жумладан, Кримда квартираси борлигини билдирган.