Ситора Фармонова гўзал бўлишнинг қийинчиликлари ҳақида: Сизга доим ҳасад қилишади

Актриса Ситора Фармонова «Tengrinews» нашрига интервью берди. Ситора ушбу интервьюда ижодий фаолияти ва шахсий ҳаёти ҳақида сўзлаб берди.

Нашр мухбирининг «Ўз гўзаллигингизга қандай муносабат билдирасиз? Гўзал бўлиш қийин эмасми?» деган саволига актриса қуйидагича жавоб беради:

«Тўғрисини айтсам, баъзан қийин. Шахсий муносабатларда бу рашк учун яна бир сабаб бўлиши мумкин. Ҳатто ҳеч бир сабабсиз. Сиз ҳеч нарса қилмасангиз, ҳам сиздан мунтазам равишда шубҳаланишади. Инсонларнинг ҳасади ҳам бор. Инсонларга яхши муносабатда бўласиз, ўрнига эса ҳасад ва нафрат оласиз.

Сизга доим ҳасад қилишади, турли ҳийлалар ўйлаб топишга ҳаракат қилишади».

Шунингдек, актриса нима сабабдан ҳанузгача турмуш қурмагани ҳақидаги саволга ҳам жавоб берди:

«Балки фақат ташқи кўринишимга қараб гўзаллигим ва ижодимни баҳоламасдан, мени мен истагандек тушуна оладиган, қабул қила оладиган инсонни ҳали учратмаганимдандир?».

«Мен кўп пул талаб қилмайман. Чунки ўзим яхши топаман. Оллоҳга шукур, пулга муҳтож эмасман. Лекин эҳтиёжлар ҳар доим бўлган. Ҳатто энг бадавлат инсон ҳам охиригача кўпроқ пул топиб, йиғишга уринади. Баъзан шунча пулим борку, бўлди деб ўйлайсан. Лекин яна давом этасан.

Мен севиб қолишни истайман. Бу ҳам муҳим аҳамиятга эга. Ўзим ҳам севишим керак. Севгисиз турмушга чиқишим мумкин. Mercedes’да сайр қилишим, ҳашаматли саройда яшашим мумкин. Бироқ мен бир марта яшайман, севмаган инсоним билан пул учун яшашни истамайман. Яхшиси, мен севган инсоним билан бирга бўламан. Мен бундай инсонни ҳали учратмадим. Менинг асосий талабим— вафоли бўлсин, қадримга ецин, ишонсин ва албатта мени севсин. Ва албатта, пул топсин».