Жанубий Африкадаги спорт мусобақасида ҳакам сифатида иштирок этаётган америкалик актёр ва сиёсатчи Арнольд Шварценеггерга номаълум шахс ҳужум уюштиргани ҳақида хабар берилган эди.
«Вести.ru»нинг ёзишича, актёр ҳолат юзасидан мухлисларига мурожаат қилди ва улардан хавотирланмасликларини сўради.
Қайд этилишича, ҳужум оқибатида актёр жароҳатланмаган.
Ижтимоий тармоқлар фойдаланувчилари ушбу ҳолатдан дарғазаб бўлиб, ёшгина эркакнинг 70 ёшли таниқли актёрни орқадан келиб тепганини кескин қоралади.
Бироқ актёр ижтимоий тармоқлардаги саҳифалари орқали барча мухлисларига мурожаат қилиб, улардан хавотир олмасликни сўради. Актёрнинг сўзларига кўра, у ҳолат ҳақида оломон устига ёпирилиб келган деб ўйлаган. «Видеони кўрганимдан сўнггина мени тепишганини тушундим, худди сизлар каби. У аҳмоқ яхшиям тўғридан-тўғри эфиримни тўхтата олмади», — деб ёзади актёр Twitter’да.
Изоҳ (0)