Бугун, 17 май куни Ўзбекистон, Қорақалпоғистон ва Туркманистон халқ артисти Ортиқ Отажонов 72 ёшида вафот этди. Бу ҳақда хонанда Анвар Собиров Instagram’даги саҳифасида маълум қилди.
Ортиқ Отажонов 1947 йилнинг 30 январида Хоразм вилоятининг Хитой қишлоғида оддий меҳнаткаш оилада туғилган. Ёшилигидан қўшиқ айтишга иштиёқи кучли бўлган.
1962 йилда Ортиқ Отажонов Хоразм санъат мактабининг мусиқа факультетига ўқишга киради. Санъаткор қўшиқ айтиш сирларини машҳур ўзбек ҳофизи Комилжон Отаниёзовдан ўрганган.
Катта саҳналарда Ортиқ Отажонов 1968 йилдан 1997 йилга қадар фаолият олиб борган. Хонанданинг «Умр ўтар», «Лазги», «Бошқача», «Келсун, келсун», «Дилбар», «Юришларинг» каби қўшиқлари ҳақиқий замонавий мумтоз қўшиқларга айланган.
Ортиқ Отажоновнинг рафиқаси Гулсара ая 4 апрель куни вафот этган эди.
Изоҳ (0)