21 май, сешанба куни футбол бўйича Осиё Чемпионлар Лигаси гуруҳ босқичи 6-турида Андрей Фёдоров қўл остидаги Тошкентнинг «Локомотив» клуби ўз майдонида Қатарнинг «Ар-Райан» клубини қабул қилди.
Учрашув давомида меҳмон жамоа аъзолари Родриго Табата (2) ва Гонсало Виера (22) урган голларга «темирйўлчилар» Сардор Мирзаев (35) ҳамда Темурхўжа Абдуҳолиқовнинг (47, 61) голлари билан жавоб қайтарди.
Шу тариқа «Локомотив» мусобақа гуруҳ босқичининг 6-турида «Ал-Райан»ни 3:2 ҳисобида мағлубиятга учратди ва жамоа «B» гуруҳида 7 очко жамғарган ҳолда гуруҳ баҳсларини 3-ўринда якунлади.
ОЧЛ
6-тур баҳси
21 май, сешанба
«Локомотив»—«Ал-Райан» 3:2
Голлар: 0:1 — 2 Табата, 0:2 — Виера, 1:2 — 35 Мирзаев, 2:2 — Абдуҳолиқов, 3:2 — 61 Абдуҳолиқов«Локомотив»: Маъмур Икромов, Анзур Исмоилов, Азизбек Ҳайдаров (Ёван Жокич, 90+3), Сардор Мирзаев, Темурхўжа Абдуҳолиқов, Ҳусниддин Ғофуров, Ислом Тўхтахўжаев, Шуҳрат Муҳаммадиев, Олег Зотеев, Арслонмурод Омонов, Диёржон Туропов (Жамшид Искандеров, 75)
«Ар-Райан»: Фаҳад Юнус, Муҳаммад Оловуддин, Гемин Ривас, Лукка, Родриго Табата, Муҳаммад Сайяр, Гонсало Виера (Юсуф Умар, 46), Муҳаммад Жума, Себастьян Сория Куинтана, Даниэл Гуму (Аҳмад Ал Саади, 46), Аҳмад Масуд
Огоҳлантиришлар: Родриго Табата (16), Себастьян Сория (39), Лукка (45+3), Муҳаммад Оловуддин (69)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)