Россия Федерал хавфсизлик хизмати (ФХХ)нинг «К» бошқармаси банк бўлими бошлиғи Кирилл Черкалин ва унинг собиқ ҳамкасблари — Дмитрий Фролов ва Андрей Василевга нисбатан қўзғатилган жиноят иши доираисга ўтказилган тинтувлар натижасида жами қиймати 12 миллиард рубль (тахминан 1,5 триллион сўм)га тенг бўлган пул қимматликлари олинган. Бу ҳақда «РИА Новости» хабар бермоқда.
«Коммерсантъ» маълумотларига кўра, бу пулларнинг бари квартиралар ва банк ячейкаларида сақланган. Қайд этишларича, бу гумонланувчилардан олинган қимматликларнинг ҳаммаси эмас. Гумонланувчиларга алоқадор хусусий шахс ва компанияларга нисбатан ҳам текширув кетмоқда — уларнинг ҳисоб-рақамларида бундан кам бўлмаган миқдорда пул бўлиши мумкин.
Тергов маълумотларига кўра, аниқланган мол-мулк хизмат ва махфий маълумотларни етказиб турганлик учун тўлов бўлган бўлиши мумкин. ФХХ ходимлари банкирларни режалаштирилаётган текширувлар ва лицензия олиб қўйишлардан огоҳлантириб тургани учун мукофот тариқасида пул олган бўлиши мумкин.
Аввалроқ полковник Черкалин 850 минг доллар миқдорида пора олаётганида қўлга тушгани ҳақида хабар берилган эди. Фролов ва Василев ҳам апрель ойида қўлга олинган.
Изоҳ (0)