Рамазон ойи бу йил ҳам узоқ ва иссиқ кунларга тўғри келди. Тонгдан шомгача рўза тутиш муддатининг узоқлиги, ёзги иссиқда тананинг сувсизланиши хатарли эканини айтиб, шифокорлар саҳар ва ифтор пайтида имкон қадар кўп сув ичишни маслаҳат бермоқда. Бу ҳақда ЎзА хабар берди.
Узун рўза соатларининг инсон саломатлигига салбий таъсирининг олдини олиш, бу жараёнда айнан қандай таомларни кўпроқ истеъмол қилиш борасида тиббиёт фанлари номзоди, олий тоифали жарроҳ Шомурод Меҳмонов ўз тавсияларини билдирган.
— Рўза тутиш яхши. Чунки, ҳар бир нарса, жумаладан инсон аъзолари ҳам толиқади, —Шомурод Меҳмонов. — Мисол учун, жигарни олайлик, у биохимик лабаратория бўлиб, организмга келган барча заҳарли моддаларни тозалашда иштирок этади. Шунингдек, қон ҳам ишлаб чиқаришда иштирок этади.
Инсон танасининг асосий қисмини оқсиллар ташкил этади. Улар қон босимини ҳам бир зайилда ушлаб туради. Унинг миқдори камайса, қул-оёқда шишлар пайдо бўлади.
Шунинг учун, рўза тутганда кўпроқ оқсилга бой овқатларни истеъмол қилиш керак. Аммо бизда одамларимиз ширинлик, нон ва хамирли таомларни истеъмол қилади.
Улар эса кечқурун ошқозонга оғирлик қилади ва тери остига ёғ йиғади. Аслида уларниҳг ўрнига 100 грамм атрофида гўшт, озроқ ёғли овқат ейилса, организм қийналмайди.
Изоҳ (0)