2019 йил 16 май куни соат 09:30 ларда ҳайдовчи Пайариқ тумани Бобур маҳалласида яшовчи Ориф Ахматов бошқарувида бўлган Midibus русумли 30 324 ВАА давлат белгили автобус Маърифат кўчаси томондан Имом Ал-Бухорий кўчаси томонга бошқариб борилаётган вақтида Самарқанд шаҳар Бўстонсарой кўчасида яшовчи Жаҳонгир Холбеков бошқарувидаги Spark русумли автомашина билан тўқнашиб, йўл-транспорт ҳодисаси содир қилган. Бу ҳақда Самарқанд вилоят йўл ҳаракати хавфсизлиги бошқармасига таяниб, Zarnews хабар бермоқда.
Йўл-транспорт ҳодисаси оқибатида Spark ҳайдовчиси Ж.Холбеков чап умров суяги синиши билан шифохонага ётқизилган.
Автобус йўловчилари – Зарифа Эргашева ўнг қўл билак суягининг ёпиқ синиши, Маҳбуба Қодирова эса чап умров суягининг синиши каби жароҳатлар билан шифохонага ётқизилган.
Ушбу йўл-транспорт ҳодисаси юзасидан суриштирув ишлари олиб борилмоқда.
Изоҳ (0)