12 май, якшанба куни футбол бўйича Испания чемпионатининг 37-тур учрашувлари ўз ниҳоясига етди.
Муддатидан аввал чемпионликни қўлга киритган Каталониянинг «Барселона» клуби ўз майдонида «Хетафе»ни синовдан ўтказди.
Учрашувнинг 39-дақиқасида каталонияликлар ярим ҳимоячиси Артуро Видаль ҳисобни очган бўлса, 89-дақиқага келиб меҳмон жамоа ҳимоячиси Жене автогол муаллифига айланди (2:0).
Шу тариқа «кўк-анор ранглилар» «Камп Ноу»да «Хетафе»ни 2:0 ҳисобида таслим қилди.
Ушбу ғалабадан сўнг Испания чемпиони очколари сонини 86 тага етказиб олди.
Диего Симеоне қўл остидаги Мадриднинг «Атлетико» клуби «Севилья»га қарши майдонга тушди.
Беллашувнинг 30-дақиқасида мадридликлар ярим ҳимоячиси Коке ҳисобни очган бўлса, 70-дақиқага келиб «Севилья» аъзоси Пабло Сарабия ҳисобни тенглаштирди (1:1).
Натижада «матрасчилар» ўз майдонида кечган баҳсда «Севилья» билан дуранг ўйнади.
Мазкур турдан сўнг «Атлетико Мадрид» 75 очко тўплаган ҳолда мусобақа жадвалида 2-ўринда бормоқда. «Севилья» эса 56 очко билан 6-ўринни эгаллаб турибди.
Шу куни мусобақа жадвалида 3-ўринда бораётган Зинедин Зидан бошлиқ «Реал Мадрид» жамоаси сафарда «Реал Сосьедад» меҳмони бўлди.
Ўйин давомида «Қироллик клуби» ҳужумчиси Браҳим Диас урган голга майдон эгалари ярим ҳимоячи Микел Мерино (26), ҳимоячи Ҳосеба Салдуа (57) ва ҳужумчи Андер Барренетхеанинг (67) голлари билан жавоб қайтарди.
Шу тариқа Мадрид клуби сафарда «Реал Сосьедад»га мағлуб бўлди (1:3) ва очко йўқотди. Қайд этиш жоиз, учрашувнинг 40-дақиқасида «Реал Мадрид» ҳимоячиси Хесус Вальехо қизил карточка билан жазоланиб, майдондан четлатилди.
Маълумот учун, Зидан жамоаси 68 очко жамғариб, мусобақа жадвалида кучли 3 таликдан жой эгаллаб турибди.
37-турдан сўнг мусобақа жадвалидаги ҳолат:
Ла Лига
37-тур баҳслари
12 май, якшанба
«Атлетик Бильбао»—«Сельта» 3:1
Голлар: 1:0 — 16, пенальти, Гарсия, 2:0 — 17 Гарсия, 3:0 — 40 Уильямс, 3:1 — 89, пенальти, Яго«Леганес»—«Эспаньол» 0:2
Голлар: 0:1 — 35 Иглесиас, 0:2 — 71, пенальти, Иглесиас«Вильярреал»—«Эйбар» 1:0
Гол: 1:0 — 60 Экамби«Валенсия»—«Алавес» 3:1
Голлар: 0:1 — 12 Наварро, 1:1 — 29 Солер, 2:1 — 34 Мина, 3:1 — 68 Гамейро«Райо Вальекано»—«Вальядолид» 1:2
Голлар: 0:1 — 6, пенальти, Унал, 1:1 — 73 Медран, 1:2 — 80 Гвардиола«Жирона»—«Леванте» 1:2
Голлар: 1:0 — 60 Стуани, 1:1 — 62 Моралес, 1:2 — 87 Барди«Бетис»—«Уэска» 2:1
Голлар: 1:0 — 22 Хоакин, 1:1 — 55, пенальти, Хуанпи, 2:1 — 90 Хоакин«Барселона»—«Хетафе» 2:0
Голлар: 1:0 — 39 Видаль, 2:0 — 89, автогол, Жене«Атлетико Мадрид»—«Севилья» 1:1
Голлар: 1:0 — 30 Коке, 1:1 — 70 Сарабия«Реал Сосьедад»—«Реал Мадрид» 3:1
Голлар: 0:1 — 6 Диас, 1:1 — 26 Мерино, 2:1 — 57 Салдуа, 3:1 — 67 БарренетхеаЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)