9 май, пайшанба куни футбол бўйича Европа Лигасининг 1/2 финали доирасида жавоб учрашувлари бўлиб ўтди.
Унаи Эмери қўл остидаги Лондоннинг «Арсенал» клуби меҳмонда Испаниянинг «Валенсия» жамоаси билан ўйнади.
Учрашувнинг 11-дақиқасида майдон эгалари ҳужумчиси Кевин Гамейро Петр Чех дарвозасига тўп киритган бўлса, орадан 6 дақиқа ўтиб «тўпчилар» ҳужумчиси Пьер-Эмерик Обамеянг ҳсиобни тенглаштирди (1:1). 50-дақиқага келиб эса франциялик Александр Ляказетт лондонликларни ҳисобда олдинга олиб чиқди (2:1). 58-дақиқада Кевин Гамейро дублга эришди (2:2). 69 ва 88-дақиқаларда Пьер-Эмерик Обамеянг тариб дарвозасига гол уриб, ҳет-трикка эришди (4:2).
Шу тариқа Лондон клуби сафарда кечган баҳсда «Валенсия»ни 4:2 ҳисобида мағлубиятга учратди. Икки ўйин натижасига кўра эса ҳисоб 7:3 «Арсенал» ҳисобига ҳал бўлди.
Маурицио Сарри бошлиқ Лондоннинг бошқа бир клуби «Челси» «Стемфорд Бриж»да Германиянинг «Айнтрахт Франкфурт» клубини қабул қилди.
Беллашувнинг 28-дақиқасида «аристократлар» ярим ҳимоячиси Рубен Лофтус-Чик ҳисобни очган бўлса, 49-дақиқага келиб меҳмон жамоа аъзоси Лука Йович ҳисобни тенглаштирди (1:1).
Қолган дақиқаларда ҳамда қўшимча бўлимларда ҳам ғолиб номи аниқланмади.
Пенальтилар Сериясида Лондон клубининг қўли баланд келди ва жамоа мусобақанинг финал йўлланмасини қўлга киритди (4:3).
Маълумот учун, Европа Лигасининг финал учрашуви 29 май куни Озарбайжоннинг Боку шаҳрида бўлиб ўтади. Унда Англиянинг икки клуби «Арсенал» ва «Челси» чемпионлик учун кураш олиб боради.
Европа Лигаси
1/2 финал баҳслари
9 май, пайшанба
«Валенсия»—«Арсенал» 2:4 (1:3)
Голлар: 1:0 — 11 Гамейро, 1:1 — 17 Обамеянг, 1:2 — 50 Ляказетт, 2:2 — 58 Гамейро, 2:3 — 69 Обамеянг«Валенсия»: Нето, Гарай, Гайя, Пиччини (Солер, 56), Габриэль, Васс, Парехо, Коклен, Гедеш (Ферран Торрес, 71), Родриго (Санти Мина, 72), Гамейро
«Арсенал»: Чех, Косьелни, Монреаль, Колашинац (Мустафи, 71), Папастатопулос, Торрейра (Гундузи, 80), Мейтленд-Найлз, Жака, Ўзил (Мхитарян, 62), Ляказетт, Обамеянг
Огоҳлантиришлар: Гарай (38), Гайя (43), Ўзил (62).
«Челси»—«Айнтрахт» 1:1 (пенальтилар серияси — 4:3, 1:1)
Голлар: 1:0 — 28 Лофтус-Чик, 1:1 — 49 ЙовичПенальтилар серияси: 4:3
«Челси»: Аррисабалага, Кристенсен (Дзаппакоста, 74), Аспиликуэта, Эмерсон, Давид Луиз, Ковачич, Жоржиньо, Азар, Лофтус-Чик (Баркли, 86), Виллиан (Педро, 62), Жиру (Игуаин, 96)
«Айнтрахт Ф»: Трапп, Абраам, Фалетт, Ҳинтереггер, да Кошта, Роде (де Гузман, 70), Костич, Гачинович (Пасиенсия, 118), Ҳасебе, Ребич (Алле, 90+3), Йович
Огоҳлантиришлар: Фалетт (38), Роде (40), Ковачич (52), Аспиликуэта (82), Абраам (90), де Гузман (90), Абраам (90), Дзаппакоста (120+1)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)