АҚШ анчадан буён сир сақлаб келган юқори аниқликка эга ракетасини яратиб бўлиб, синовдан ўтказишга ҳам улгурди. Бу ҳақда The Wall Street Journal газетасига асосланиб, «Корреспондент» хабар берди.
R9Х номини олган ракета Hellfire ракетасининг модификация қилингани. Янги ракетага ўрнатилган инерт жанговар каллак портламасдан 100 фунтга яқин (45 кг) метал лезвияларни атрофга сочиб юборади.
Бу орқали R9Х ёрдамида фақат нишон йўқ қилинади, атрофдаги одамлар ва буюмларга деярли зарар етмайди.
Бундан ташқари R9Х’нинг яна бир зарба бериш усули мавжуд бўлиб, ракета олтита узун лезвия ёрдамида ҳалқа ҳосил қилган ҳолда тўқнашувдан бир сония олдин уларни нишонга отади.
WSJ маълумотларига кўра, бу каби ракетани яратишдан мақсад террорчилар АҚШ Ҳарбий-ҳаво кучларининг зарбаларига қарши туришни ўрганиб олган ва кўплаб оддий аҳоли орасига яширинмоқда.
«Бу каби технология зарба оқибатида ҳалок бўладиган оддий аҳоли сонини камайтиради», — дейилади хабарда. Ҳозирда Марказий разведка бошқармаси ва Пентагон янги қуролни махфий равишда синовдан ўтказиб бўлган.
Изоҳ (0)