Эрон ҳукумати ўз ядровий дастурига оид битимнинг икки бандини амалга оширишни тўхтатди, деб хабар берди Meduza.
Эрон президенти Ҳасан Руҳоний 8 май куни битим иштирокчилари бўлган Россия, Хитой, Буюк Британия, Франция ва Германияга тегишли хатларни юборган.
Унда Теҳрон ядро реакторларида ишлатиладиган бойитилган уран ва оғир сув заҳираларини чеклаш бўйича келишувга амал қилмаслиги маълум қилинган.
Эрон ҳукумати, шунингдек, шартнома шартларини янгилаш учун 60 кунлик муҳлат белгилаган бўлиб, бу вақт тугаганидан сўнг уранни бойитиш ишларини давом эттиришга ваъда берган.
Умумий қамровли қўшма тадбирлар режаси деб номланувчи 2015 йилги шартнома иштирокчиларига аталган хат, АҚШнинг Эрон билан ядро шартномасидан бир томонлама чиққанининг бир йиллигида юборилган. Шундан сўнг Вашингтон Теҳронга қарши яна қатъий иқтисодий санкцияларни қўллашни бошлаган. Санкциялар Эроннинг металлургия саноатига қаратилган.
Ядровий битим бўйича европалик шериклар Эронга АҚШ санкцияларини четлаб ўтиш механизмини ишлаб чиқишга ваъда берган.
Изоҳ (0)