Миллий таъсис мажлиси депутати Хулио Чавес АҚШ томонидан Венесуэлага ҳарбий-тиббий кемаларнинг юборилишини «икки томонлама стандарт» деб атади, деб хабар беради «РИА Новости».
АҚШ вице-президенти Майк Пенс 7 май куни Венесуэладаги инқирозга жавобан АҚШ «тиббий хизматга муҳтожларга ёрдам кўрсатиш учун» ҳарбий кемаларни юборишини айтганди. АҚШ Қуролли кучлари Жанубий қўмондонлигининг маълум қилишича, кемалар минтақага беш ой муддатга юборилмоқда.
Кемаларнинг юборилиши бу — ‘икки томонлама стандарт’, бу — империализм кибрини намойиш этувчи чўпнинг иккинчи томони. Агарда бу каби иқтисодий чекловлар, санкциялар бўлмаганида вазият бунақа тус олмасди.АҚШ бир неча бор Венесуэланинг бутун бошли секторлари, шунингдек, компания ва жисмоний шахсларига қарши санкциялар жорий этган.Хулио Чавес, депутат
21 январь куни Венесуэлада мамалакт президенти Николас Мадурога қарши оммавий намойишлар бошланган. Мухолифат етакчиси Хуан Гуайдо ўзини вақтинча давлат раҳбари деб эълон қилган, Ғарбнинг кўплаб давлатлари АҚШ бошчилигида Гуайдони пресидент сифатида тан олган ҳам.
Изоҳ (0)