Шавкат Мирзиёевнинг Рамазон табриги, рўзадор ўқувчиларни югуртирган директор, перинатал марказда полда ётган ҳомиладорлар ва куннинг бошқа хабарлари

7 майнинг эътиборга молик янгиликлари — «Дарё» дайжестида.

Шавкат Мирзиёев Ўзбекистон халқини муборак Рамазон ойи билан табриклади.

Президент Шавкат Мирзиёев Фарғона вилояти фаоллари иштирокидаги йиғилишда бутун халқни муборак Рамазон ойи билан табриклади.

***

Қўқонда рўзадор ўқувчилар иссиқда югуртирилганини прокуратура ўрганмоқда.

6 май куни Қўқон шаҳридаги 8-мактаб директори дарсдан сўнг рўза тутган бошланғич синф ўқувчиларини иссиқ ҳавода мактаб ҳовлисида югуртиргани ҳақидаги хабар ижтимоий тармоқларни жунбушга келтирди.

***

Навоий вилоятидаги перинатал марказда жой етишмаслиги сабабли, аёллар полга ётқизилмоқда.

6 май куни перинатал марказ беморларидан бири маълум қилишича, ётиш учун келган аёллар жуда кўп бўлганлигидан жой етишмай қолганлиги сабабли, улар марказ йўлакларига тўшалган матрасларга ётқизилмоқда.

***

Ички ишлар вазирлиги академик лицейларига ўқишга кириш тартиби ўзгарди.

Киритилган қўшимчаларга мувофиқ, эндиликда ИИВ лицейларига кириш истагида бўлган номзодлар ҳудудлардаги соғлиқни сақлаш бошқармалари томонидан ташкил этиладиган тиббий комиссия кўригидан ўтади.

***

Diversity Visa Programm 2020 (Green Card) лотереяси натижалари бугун, 7 май соат 21:00 дан бошлаб эълон қилина бошлайди.

Ариза ҳолатини лотерея дастурининг расмий сайти —dvlottery.state.gov да текшириш мумкин.

Натижаларни текшириш учун сайтда шахсий маълумотлар ва тасдиқ рақамини (уни 2020 йилнинг 30 сентябригача сақлаш лозим) киритиш керак.