Наманган шаҳрининг «Чорсу» деҳқон бозорига яқин ҳудудда шаҳар бўйича IIО ФМБ ситуацион маркази билан тўғридан-тўғри алоқага чиқиш имкониятини берувчи «Тезкор чақирув» қурилма дастурий таминоти ўрнатилди. Бу ҳақда «Дарё»га вилоят ИИБ матбуот хизмати маълум қилди.
Қурилма жойлашган ҳудудда салбий ҳолат рўй берса ҳодисага гувоҳ бўлган фуқаролар ушбу қурилмадаги махсус тугмачани босиб, ситуацион марказ билан боғланади ҳамда вазият тўғрисида ички ишлар ходимларига хабар беради. Шу заҳоти навбатчи ҳудуд атрофидаги патруль-пост хизмати ходимларини воқеа жойига йўналтиради. Натижада содир бўлиши мумкин бўлган жиноятларнинг олди олинишига эришилади.
Шундай қурилмалар дастлабки босқичда «Сардоба» ва «Дўстлик» бозорларида, келгусида эса Наманган шаҳридаги барча бозорларда ўрнатилиши режалаштирилган.
Изоҳ (0)