Ўзбекистон «Чегара билмас мухбирлар» ноҳукумат ташкилотининг сўз эркинлиги рейтингида 53,52 балл кўрсаткичи билан 160-ўринга эгаллади. Бу ҳақда «Халқ сўзи» хабар берди.
Президент Администрацияси ҳузуридаги Ахборот ва оммавий коммуникациялар агентлиги директори Комил Алламжоновнинг маълум қилишича, Ўзбекистон икки йил олдин рейтингда 169-ўринда, ўтган йили эса 165-ўринда қайд қилинган.
Тожикистон рейтингда ўтган йили 149-ўринда эди, бу йил эса 161-ўринда. Россия ҳам ўтган йилгига нисбатан битта поғона йўқотган — 149-поғона. Қирғизистон эса рейтингини 15 поғонага яхшилаган — 83-ўрин.
«Ҳисоботда ўзбек журналистлари сўнгги икки йилда мажбурий меҳнат ва коррупция каби долзарб мавзуларда ёза бошлагани, бироқ медиа соҳасида ҳали ички цензура кучли экани таъкидланган. Бу — мамлакатда сўз эркинлигини таъминлаш, журналистларни қўллаб-қувватлаш борасида қилинадиган ишлар ҳали кўп дегани. Оммавий ахборот воситаларини ҳимоя қилсак, далда берсаккина ўткир мавзулар қаламга олинади. Мазкур ҳисобот ўзимизга тутилган ойна — сўз эркинлиги бўлмаган юртда ривожланиш ва тараққиёт ҳам бўлмайди. Бугунги сиёсат, бугунги ислоҳотлар эса ана шу сўз ва матбуот эркинлигига чамбарчас боғлиқ«, дея гапириб ўтган Алламжонов мазкур рейтинг ҳақида.
Изоҳ (0)