Ўзбекистонда 2018 йилда умумий жиноятчилик 33 фоизга камайди. Мавжуд 9 022 та маҳалладан 2 301 тасида ёки 25 фоизида жиноят содир этилмади. Бу ҳақда Бош прокурор Отабек Муродов Сенатнинг 19-ялпи мажлисидаги ҳисоботи давомида маълум қилди.
2017 йилда республикада жиноятлар ҳар 100 минг аҳолига 228 та тўғри келган бўлса, 2018 йилда бу кўрсаткич 149 тани ташкил қилди.
Прокуратура органларининг 2018 йилги фаолияти натижасида:
106 179 нафар фуқаронинг бузилган ҳуқуқлари тикланди;
12 576 та қонунга зид ҳужжатлар қонунга мувофиқлаштирилди;
Аниқланган қонунбузишлар масъул идораларга киритилган 18 449 та тақдимномалар асосида бартараф этилди;
43 915 нафар шахс интизомий, маъмурий ва моддий жавобгарликка тортилди;
Қўпол қонунбузишлар бўйича 1 348 та жиноят иши қўзғатилди;
Прокурор текширишлари ва дастлабки тергов давомида жами 2 триллион 228 миллиард сўм зарар ундирилди.
Изоҳ (0)