Хоразм вилояти телерадиокомпанияси (ТРК) ва шаҳарнинг тегишли хизматлари билан ҳамкорликда 1 май куни «Зилзила натижасида юзага келган фавқулодда вазиятлар оқибатларини бартараф этишда объект фуқаро муҳофазаси тузилмалари ҳамда шаҳарнинг тегишли хизматларининг ҳамкорликдаги ҳаракатлари» мавзусида махсус-тактик ўқув машқи ўтказилди. Бу ҳақда телерадиокомпания матбуот хизмати маълум қилди.
Ўқув машқини ўтказиш давомида шаҳар Фавқулодда вазиятларда уларнинг олдини олиш ва ҳаракат қилиш давлат тизими хизматлари ҳамда объект Фуқаро муҳофазаси тузилмаларини зилзила натижасида юзага келган фавқулодда вазиятлар оқибатларини бартараф этиш бўйича назарий ва амалий билимлари ҳамда кўникмалари мустаҳкамланган.
Ўқув машқи тўрт босқичда ўтказилган бўлиб, жами 82 нафар ходим, 6 та махсус техника ва зарурий асбоб-анжомлар жалб этилган.
Изоҳ (0)