ШҲТга аъзо давлатлар судьялари семинарида иштирок этган Олий суд делегацияси Шанхайдаги олий ўқув юртларида таълим олаётган ўзбекистонлик талабалар билан учрашди. Бу ҳақда «Дарё»га Олий суд матбуот хизмати маълум қилди.
Учрашувда Ўзбекистон суд-ҳуқуқ тизимидаги ислоҳотлар ҳақида сўз борди.
Хорижий мамлакатларда таълим олаётган талабаларни қўллаб-қувватлаш бўйича қилинаётган ишлар ҳақида суҳбатлашилди. Халқаро меҳнат бозорида рақобатбардош ва юқори малакали мутахассисларни етакчи хорижий таълим муассасаларида ўқитиш ва юқори малакали кадрлар тайёрлаш мақсадида Вазирлар Маҳкамаси ҳузурида «Эл-юрт умиди» жамғармаси ташкил этилганлиги, унинг фаолияти ҳақида маълумот берилди.
Делегация аъзолари талабаларнинг яшаш тарзи, ўқиш жараёни, таклиф ва мулоҳазалари билан қизиқди.
Изоҳ (0)