Тошкентда 3 май куни медиа-макон вакиллари бир даврага жамланади. Бу ҳақда «Дарё»га Ёшлар медиа маркази маълум қилди.
Май ойининг илк кунларида журналистлар учун ҳар йили ўтказиладиган форумларни ташкил этиш Ўзбекистонда яхши анъанага айланди. Жорий йилда медиа ходимларининг навбатдаги учрашувини Ўзбекистон электрон оммавий ахборот воситалари миллий ассоциацияси ва Ўзбекистон ёшлар иттифоқи қатор маҳаллий ва халқаро ташкилотлар ҳамкорлигида очиб беради.
Дастлаб бутун дунё учун долзарб бўлган «Глобал ўзгаришлар давридаги журналистика, ҳақиқат ва ёлғон хабарлар, профессионаллик ҳамда билимсизлик» мавзусидаги муҳокамада янги нуқтаи-назарлар ва фикрлар янграши кутилмоқда.
Сўнгра «Беш ташаббус ёшлар медиа олами нигоҳида» мавзусида ёшлар медиа форуми ўтказилади.
Форум ЎзЭОАВМА аъзолари — ҳудудий телерадиостанциялар ходимларини турли номинацияларда энг яхшиларини аниқлаш орқали рағбатлантиришни мақсад қилган «Журналистлар баҳори — 2019» фестивали билан якунланади. Иштирокчилар Ўзбекистонда бу йил 14 марта ўтказиладиган анъанавий «Олтин қалам» танловида ҳам иштирок этади.
Изоҳ (0)