Қозоғистонда юз берган ва бир неча Ўзбекистон фуқароси ҳалок бўлган ЙТҲ жабрланувчиларидан яна бири Олмаота шаҳридаги шифохонада вафот этди, деб хабар берди Sputnik.
«Куни кеча 23 апрель куни ҳаёт учун хавфли бўлган жароҳатлар билан, оғир аҳволда шифохонага олиб келинган беморлардан бири вафот этди. У ўзига келмай ҳаётдан кўз юмди», — дейилади шифохона хабарида.
Маълумот учун, Қозоғистоннинг Жамбил вилояти Қордай туманидаги «Тошкент—Олма-ота» трассасининг 181-километрида 20 апрель шанба куни маҳаллий вақт билан тонгги соат 05:09 да 49 нафар йўловчини олиб кетаётган Van Hool русумли автобус иштирокида йўл-транспорт ҳодисаси рўй берган эди.
Шу тариқа ушбу мудҳиш ЙТҲда ҳалок бўлганлар сони 12 кишига етди.
Изоҳ (0)