«Дарё» Twitter’да ўтган ҳафтада машҳур шахслар томонидан пост қилинган энг муҳим твитлар билан ўртоқлашади.
«Бугун — Ер кунида иқлим сиёсати борасида парад ва иш ташлашга чиққан барча дунё ёшларига миннатдорлик билдираман. Биз нима қилишни биламиз: 2030 йилга қадар атмосферага чиқарилаётган газларни 50 фоизга қисқартириш. Биз буни ҳозирдан бошлашимиз керак», — Ҳиллари Клинтон, америкалик сенатор.
«Биз саводсизлик, қашшоқликка қарши курашда ва тинчликни ўрнатишда китобхонликни ёйиш учун ҳаракатларимизни икки карра кўпайтиришимиз лозим. Китоб кунида, келинглар, барчамиз ёзма нутқ таъсири доирасини кенгайтириш ва ҳар бир шахсга китобга эга бўлиши учун ёрдам берайлик», — ЮНЕСКО.
ЮНЕСКО ўзининг Twitter’даги саҳифасида Малала Юсуфзайнинг «Бизнинг китобларимиз ва бизнинг қаламларимиз энг кучли қурол» шиорини келтиради.
«Милан шаҳридаги девордаги сурат. Эҳ одамлар…» — Маттео Сальвини, Италия ички ишлар вазири (девордаги ёзув: Сальвини — фашист).
«Порошенко беш йил мобайнида Россияга қаршилик кўрсатди, ташқи сиёсатда сезиларли ютуқларга эришди, Украинанинг Ғарбга интеграциясида жиддий одимлади, аммо иқтисод соҳасида ундан кутилганларини оқламади, ва сиёсат борасида тажрибасиз Владимир Зеленскийга катта фарқ билан ютқазди», — Жайхун Ашуров, турк журналисти.
«Россия АҚШдаги президентлик сайловига аралашди. Кейинги ҳужумларнинг олдини олиш учун биз сайлов тизимини мустаҳкамлашимиз зарур. Бу қонсиз уруш бўлади. Аммо биз тайёр эмасмиз. Аслида тайёр бўлишимиз керак», — Камала Ҳаррис, АҚШ президентлигига номзод.
«2019 йилнинг 1 сентябридан бошлаб Ўзбекистонда аёлларнинг никоҳга кириш ёши 17 ёшдан 18 ёшга кўтарилди. Бу эса эркак ва аёлларнинг никоҳдан ўтиш ёши тенг бўлади деганидир», — Йонас Астрап, Халқаро меҳнат ташкилотининг Ўзбекистондаги вакили.
«Айни пайтда Хитой Европа Иттифоқи ва АҚШни бирга олиб ҳисоблагандагидан-да кўра кўпроқ карбонад ангидрид газини атмосферага чиқармоқда ва энергиянинг 60 фоизи кўмир ҳиссасига тўғри келмоқда. Бу ерда, барча муқаддас нарсалар ҳаққи-ҳурмати, эътирозга ўрин бор», — Борис Жонсон, Буюк Британия парламенти аъзоси.
«Келиен Конуэйнинг (президент маслаҳатчиси) турмуш ўртоғи Жорж Конуэй ёзишича, ‘Трамп — бу президент лавозимидаги саратон шишидир. Конгресс уни йўқотиши керак’», — Жим Робертс, Cheddar нашри муҳаррири.
Изоҳ (0)