Индонезияда 17 апрель куни мамлакат бўйлаб ўтказилган сайлов натижаларини ҳисоблашдан қаттиқ чарчаган 54 дан ортиқ киши вафот этди, яна 32 киши касалхонага ётқизилди, дея хабар берди «Вести.ru».
Қайд этилишича, бунга кўп жойлардаги иш вақти соат 05:00 дан бошлангани (сайлов участкалари 07:00 дан очилган) ва деярли бир суткадан сўнг якунлангани сабаб бўлган.
Марказий сайлов комиссияси маълумотларига кўра, Индонезияда 17 апрель куни бўлиб ўтган сайловлар дунёда энг йириги бўлган. Сайловда умумий ҳисобда 20 мингта ўринга даъво қилган қарийб 240 минг нафар номзод иштирок этган.
Сайловда овоз бериш ҳуқуқига эга бўлган 193 миллион фуқаронинг деярли 80 фоизи қатнашган. Мамлакатда умумий ҳисобда 813 мингдан ортиқ сайлов участкалари очилган.
Изоҳ (0)