Ўзбекистонда цемент импорти учун имтиёзларни бекор қилиш режалаштирилмоқда, деб хабар берди Spot. Бу Инвестициялар ва ташқи савдо вазирлиги томонидан 23 апрель куни эълон қилинган Президент қарори лойиҳасида кўзда тутилган.
Президент томонидан 2018 йил январида имзоланган қарори билан 2020 йил 1 январга қадар импорт қилишда божхона тўловларини тўлаш бўйича имтиёз бериладиган маҳсулот, хом ашё ва материаллар рўйхати тасдиқланган. Рўйхатга цемент, асбест, ёғоч-тахта ва ёғоч-тахта материаллари, кўмир киритилган.
Энди Инвестициялар ва ташқи савдо вазирлиги ушбу рўйхатдан цементни олиб ташлашни таклиф қилмоқда. Бу қурилиш материалларини ишлаб чиқарилиш самарадорлигини оширишга, бозорда тенг рақабат шароитини яратишга ва маҳаллий хом ашёни чуқур қайта ишлашни ташкил этишга ёрдам беради, деб кутилмоқда.
Изоҳ (0)