Тошкентдаги «Янги аср авлоди» нашриёти Корней Чуковскийнинг «Бармалей» асарига киритилган «тузатиш»лар юзасидан расмий изоҳ берди, деб ёзади Sputnik.
Аввалроқ Тошкентдаги нашриётлардан бири китобда Ленинград сўзини «Санк-Петербург»га ўзгартириб, «т» ҳарфини ҳам тушириб қолдиргани хабар берилган эди.
Нашриёт маълум қилишича, улар ҳақиқатан ҳам, ачинарли хатоликка йўл қўйган. Нашриёт раҳбари китобхонлардан кечирим сўраган. Унинг сўзларига кўра, шаҳарнинг эскирган номини ҳозиргисига ўзгартириш орқали, китобни замонавийлаштирмоқчи бўлишган.
Нашриёт ўзининг ижодий муваффақиятсизлигини тан олишини ва 2000 нусхадаги ададни қайтариб олиши мумкинлигини маълум қилди.
Изоҳ (0)