Товар хом ашё биржасида келтирилган маълумотларга кўра, 15—21 апрель давомида онлайн аукцион орқали 728 та автомобиль рақамлари сотилди. Бу ҳақда Spot хабар берди.
Сотилган давлат рақам белгиларининг умумий суммаси 2,9 миллиард сўмни ташкил қилган.
Рақобатли савдолар натижасида битимларнинг 20 фоизи биринчи тоифадаги авторақамларга, 51 фоизи иккинчи ва 29 фоизи учинчи тоифа авторақамларга тегишли.
Шу билан бирга, биржа савдолари ҳажми 874,1 миллиард сўмдан 939,2 млрд сўмга ошган. Валюта савдо майдончаси орқали деярли 2,1 миллион долларга тенг товарлар сотилган.
Экспорт бўйича етакчиликни 93 фоиз билан пахта толаси эгаллади. Экспорт бозорининг қолган қисмини полиэтилен (5 фоиз) ва нефть мойлари (2 фоиз) эгаллаган.
Изоҳ (0)