Текширувлар натижасида 359 нафар одамнинг ҳалок бўлишига олиб келган Шри-Ланкадаги бир қатор портлашлар содир этилишида гумонланиб қўлга олинганлар сони 58 нафарни ташкил этди. Бу ҳақда «ТАСС» хабар берди.
Хабарда қайд этилишича, 24 апрель куни полиция Берувала, Катана, Алутхгама шаҳарларидан 18 кишини ҳибсга олган.
21 апрель куни Шри-Ланкада мамлакат тарихида энг катта бир қатор террорчилик ҳужумлари уюштирилди. Умумий ҳисобда Коломбо, Негомбо ва Баттикалоа шаҳарларида, хусусан, пасха байрами нишонланаётган черковлар ва меҳмонхоналарда саккизта портлаш содир этилган.
Ҳужумда Шри-Ланка фуқаролари бўлган еттита худкуш террорчи иштирок этган.
Изоҳ (0)