Жорий йилнинг май ойида Банкокда ўтказиладиган Таиланд қироли Маҳа Важиралонгкорнга тож кийдириш маросимига 200 мингдан зиёд киши ташриф буюриши мумкин. Бу ҳақда «ТАСС» хабар берди.
Хабарда айтилишича, 5—6 май кунлари Санам Луанг (Қирол саройи олдидаги овал майдон) ва Катта сарой деворлари бўйлаб майдон қироллик маросимини кузатишни хоҳлаган томошабинлар учун очиқ бўлади.
Пойтахт администрацияси шаҳарнинг маросим ўтказиладиган олтита ҳудудида бепул овқатлар ташкил этишни режалаштирган. Ҳокимлик ҳам хусусий секторни ичимлик суви тарқатилишида иштирок этишга чақирмоқда.
Бундан ташқари, 68 та уй эгалари маросим ўтказиладиган куни уларнинг ваннахоналаридан фойдаланишга рухсат беришга рози бўлган. Бошқа провинциялардан келганлар бир мингга яқин кишилар учун жой бўлган Таиланд—Япон ёшлар марказида тунашлари мумкин.
Рама Х 70 йил давомида қиролликни бошқарган отасининг ўлимидан 50 кун ўтгач, 2016 йилнинг 1 декабрь куни тахтга ўтирган.
Изоҳ (0)